KRASNODAR DİYARINDA ERMƏNİ İCMASI

Günay Feyziyeva

gnyf92@gmail.com

Məqalədə Krasnodar diyarındakı erməni icmasının formalaşması, ermənilərin bu bölgəyə köçləri, yerləşmələri, erməni icması və onun Ermənistana dəstək fəaliyyətləri tədqiq edilmişdir. Rusiya Federasiyasının 12 iqtisadi bölgəsindən biri olan Şimali Qafqaz iqtisadi dairəsinin tərkibində federal subyekt olan Krasnodar diyarında bu gün miqrasiya proseslərinin dinamikası yüksək göstəricilər nümayiş etdirir. Beynəlxalq miqrasiyada Ukrayna və Ermənistandan gələn miqrantlar üstünlük təşkil edir. Ermənilərin bu bölgələrə axınının səbəbi sabit sosial və siyasi vəziyyət, inkişaf etmiş aqrar-sənaye və kurort-istirahət kompleksi, əlverişli iqlim şəraiti və inkişaf etmiş nəqliyyat infrastrukturunun olmasıdır. Təkcə Ermənistandan deyil, dünyanın müxtəlif bölgələrindən gələn ermənilər Krasnodar diyarında öz icmalarını qurmuşlar. Hazırda Krasnodar diyarında erməni icması ikinci sıradadır. Belə ki, miqrant vəziyyətinin öyrənilməsinə həsr olunmuş kütləvi sorğular zamanı Kuban sakinləri əminliklə bildirirlər ki, bölgəyə daimi yaşamaq üçün gələn miqrantlar arasında böyük əksəriyyəti ermənilər təşkil edirlər. Krasnodar diyarındakı erməni icması sürətlə böyüyür. Kubanda erməni icması o qədər əhəmiyyətli dərəcədə böyükdür ki, artıq burada bir neçə yüz erməni kəndi salınıb, eyni zamanda iyirmiyə yaxın erməni kilsəsi tikilmişdir. Ermənilər Krasnodar diyarında ruslardan sonra ikinci ən böyük icmaya çevrilmişdir. Ermənilər Kuban şəhərlərində ən uğurlu biznes strukturlarına nəzarət edirlər.

Açar sözlər: Rusiya Federasiyası, Krasnodar, erməni icması, miqrasiya, kilsə

Məqaləyə baxın(1626)
Ədəbiyyat